王力宏受邀出席Apple发布会　连出3个Po狂晒新款iPhone

撰文： 洪晓璇
出版：更新：
王力宏受邀飞到去美国苹果总部，出席新iPhone发布会。（王力宏微博）

有咩事可以令王力宏放低刚出世嘅囝囝同坐紧月嘅太太？除咗工作，仲有Apple新iPhone发布会呀﹗之前王力宏停工陪太太李靓蕾生B，上个月24号见证囝囝王嘉耀出世，呢日就“抛妻弃子”飞去美国，应好友兼苹果公司CEO Tim Cook邀请，见证新一代iPhone发布会。Leehom仲兴奋到连出三个post同fans分享。

之前一个月魏2个post，去一次发布会王力宏就出咗三个posts啦。（王力宏IG）
上年林俊杰受邀出席发布会，风头一时无两。（网上图片）

苹果公司每年发布会都系全城触目盛事，今次就喺9月13日凌晨，于美国加州总部Apple Park入面的Steve Jobs Theater举行。王力宏一去到现场，已经急不及待于门口影相打卡留言话：“Wanna check out the new Apple product launch? Happening right now!”十足十游客到此一游。相隔几个钟王力宏再次Update，试玩新机拍埋片同大家分享，见到佢不停话：“还没上市哦，还没上市哦。”

除咗王力宏，徐克都有份出席呢次发布会。（王力宏IG）
+1

王力宏分享合照时，大家先知原来徐克导演都受邀参与盛事，同Tim Cook三位企埋一齐言谈甚欢。其实以往发布会，都有邀请亚洲区艺人出席，好似林俊杰、吴君如、陈可辛，不过提起APPLE新机大家最先谂起嘅，应该会系林志颖。iPhone 5、iPhone 5C、iPhone 6、iPhone 7去到上年嘅iPhone8，林志颖都早在发布会前就喺社交网站晒出新机。

当年推出iPhone 5之前，林志颖几近系全球最早晒出新机嘅人。（林志颖微博）
iPhone 5c（林志颖微博）

虽然林志颖从未亲身出席Apple发布会，但早已俨如Apple代言人。不过去到上年发布会前一个月出席活季，不停被追问拎到iPhone8新机未，林志颖就话：“我不是代言人，未来也不会再说甚么。”的确，自此佢无再抢先晒机，全城期待嘅iPhone X，林志颖亦去到开售当日，先应网媒邀请拍摄开箱文。今次iPhone XS，林志颖迎一个月嘅社交网站POST都无电，睇嚟果粉们以后想早D知新机消息，又要另觅渠道啦

　iPhone 6s（微博图片）
iPhone 7 Plus （林志颖微博）