《全民造星》最后倒数　狄以达甘愿做好友Lokman伴舞

狄以达（达仔）昨天（12日）出席某餐厅开幕礼，主演的舞台剧于下月公演，而门票亦已于日前公开发售，达仔直言对销情有信心：“开售之前内部认购已经去咗一啲㗎啦，有一日嘅场次嘅内部认购系卖晒嘅，但系我都惊嘅。但最好梗系卖晒啦！”他表示希望能把舞台剧的规模“越做越大”，他朝一日登上能容纳更多观众的场地。

达仔在舞台剧剧照上特意展示出留须的造型，为何现在又剃须了？达仔坦言自己一向都喜欢留须，只是因为工作关系才剃须。被问到公演时会否再次留须，达仔表示也在苦恼中：“我谂紧留唔留得切，或者留个二撇鸡都好吖！”

被问到身边朋友有没有要求留飞，达仔坦言：“刘德华就话买唔到飞啫，JJ（林俊杰）就话买唔到飞啫，我哋呢啲上网买都买到嘅。（有没有邀请Hera？）我哋佛系心态，缘分到自然可以到，都无话好刻意去做啲乜嘢。”

有份参演舞台剧的杨乐文（Lokman）于Viu TV《全民造星》杀入倒数阶段，与Lokman老友鬼鬼的达仔都很为好友感到紧张，更说愿意为兄弟做伴舞：“佢都会问我‘我呢个表演咁样做好唔好啊’，我都好希望自己能够帮到佢，希望可以用我过往表现嘅经验帮到佢。如果同台嘅话我冲上去帮佢跳埋啦！（如果个mission系同星级导师一齐跳嘅话呢？）都唔使星级导师，我伴佢舞啦梗系！”达仔表示会尽力帮Lokman拉票，希望他能得到好成绩。