雨侨做KOL好揾过做艺人？　坦言：10年前无谂过可以成为工作赚钱

雨侨 (Ava) 同老公罗力威度早前蜜月期间，经历台风“飞燕”吹袭完日本大阪后，成功安全返港，现已重新投入工作。Ava有感而发表示：“天灾系离我哋好近嘅事，遇到突发情况要识得应变同执生。”对于有港女因为北海道地震致未能入住已付款的酒店房间而大发烂渣，对此Ava说：“都明白佢嘅感受，系辛苦同唔抵嘅，但真系无办法，咁啲灾民都好需要帮助。”

已经成为人妻的Ava婚后依然继续她的演艺以及KOL工作，就算将来生了B后都一样，她说：“自己工作9成半系KOL嘅project，觉得婚前婚后都无咩大分别，可以讲下自己真实嘅生活，以前就少啲讲另一半，依家可以讲我有个老公，又无话特登要有啲咩定位，例如要讲夫妻或者新婚生活呢啲，都系随心做，随住自己生活去做。我嘅工作性质系去到边都可以做到嘅。”

入行至今10年，雨侨虽然早已转战KOL界主力做KOL的工作，演艺方面的工作相对较少，不过她仍选择跟公司续约继续做艺人，她说：“老实讲，我嘅演艺事业发展系咪好到需要继续落去呢？大家都睇到啦，不过我始终认为做KOL之余系需要有份工嘅，如果我嘅生活费完全只靠介绍产品而嚟，就会好容易迷失。自己做KOL一定会试真个产品先去介绍。”面对愈来愈多做KOL，竞争剧烈，作为本地最初代KOL的Ava说：“个市场好大，我由10年前无咩人做开始，𠮶时觉得做艺人有多个渠道畀人认识自己系好事，无谂过可以成为工作赚钱，依家系多咗竞争者，但亦有同行者，公司亦都比以前明白我做紧啲咩，都会尽量配合我。”

提到她和老公婚后都想生BB，Ava坦言并不急的：“其实可以二人世界下先，试下点管理好一头家先，我哋都有各自嘅分工，例如我负责煮饭，佢会帮手做家务。喺香港如果两夫妻都要外出工作，好难唔请工人姐姐照顾屋企，但系我哋就无请姐姐，都希望将来可以亲力亲为照顾小朋友，依家正朝住呢个方向努力。”

Hair：Adam Hui @ W Salon By Il Colpo
Makeup：Lisa C. @ Lisa C. Makeup Art
Outfit：Spark Fashion
Location：Prince Hotel

一齐睇下Ava啲靓相啦。