刘浩龙拍跳楼戏冇用威吔　自觉死过翻生：谂返都好惊！

刘浩龙今日（8日）获邀出席港台“职安健常识问答比赛2018”活动，他接受《香港01》访问时坦言好开心能够参与活动：“因为令我回想到做新人嘅时候嘅回忆，呢个活动每一年都会参加，觉得好有意义，其实有好几年都冇参加，今次再参与，真系有另一种感觉。”

问之前拍动作戏时有否做足安全准备？刘浩龙透露拍摄电影《李小龙》（2010）时，在没有有安全措施情况下拍摄跳楼戏，当时饰演一个右脚残障人士的他说：“呢一世我都唔会忘记，可能当时自己年青，导演话乜就乜，都冇谂过咩叫安全，好记得我系要徒手爬上楼6楼屋顶追逐，仲要跳过两层高对面楼度，拍咗成十几次，系完全冇‘威吔’嘅情况下一Take过拍摄，之后返到酒店我系丧喊，因为谂返觉得好惊，点解会咁做，万一有意外发生咗，屋企人点算，会谂好多呢啲问题，而家安全为上，都系对屋企人一种责任。”