袁伟豪为《铁探》地狱减磅：夜晚净系食一个蕃茄

袁伟豪今日〈5日〉现身祝贺好友黄宗泽蚝吧开张，阿Ben称自己偏爱海水味较重的蚝，他亦会买蚝回家，自己开蚝来款待朋友。对于投资生意，阿Ben都表示有兴趣：“好似Bosco咁，都唔系一朝一夕嘅事，都要好多时间去了解呢个市场，自己又要有心机再加埋要有一班好好的伙计，咁我觉得饮食都可以谂，冲下咖啡，可能开Café。”

对于主演的剧集《铁探》刚煞科，阿Ben称为角色减磅，相当辛苦：“依家休息咗几日，就肥返少少，迟啲剧集出再俾啲相大家睇下，因为都减咗好多，𠮶阵夜晚净系会食一个蕃茄。终于都过咗啦，剧组都好满意效果。”

阿Ben亦指能够与两位前辈惠英红和姜皓文合作，获益良多：“红姐气势好劲，开头同佢对戏都有啲惊，但熟咗捉到个节奏，大家都玩得好开心。而黑哥系电影人，我成日问佢拍电影同电视剧有咩分别，都成日交流心得，我觉得都系好难得嘅一件事。”阿Ben就透露正在休息中，亦计划离开香港放吓假。