【美女厨房】林盛斌通波仔后复工 萧正楠张振朗帮佢谂定身后事
无线节目《美女厨房》主持林盛斌（阿Bob）早前入院接受“通波仔”手术，消息一出令各界担心，庆幸阿Bob的手术顺利成功，休息数天后亦正式复工，今日更偕另外两位主持萧正楠、张振朗、以及一班美女学徒一起出海开船P！
之后仍需接受通波仔手术，分两次是怕肾亏
其实阿Bob分别有三条血管栓塞，近期入院却只通了两条，他解释是为了护肾：“因为我做呢啲手术要打好多显影剂去睇啲血管点走，但呢啲显影剂对个肾有少少伤害，怕个肾亏。”而阿Bob现在亦非常注意饮食，三高食品一律少碰，也决心要多做运动：“我问过啲专家，佢哋话我上身系大件，不过脚系幼，如果跑步对脚好重负苛，同我讲游水好好，所以希望培养到呢个习惯。”此时在旁的萧正楠竟然说有味笑话：“咁又系，你几只脚都系幼。”
阿Bob入院反遭拍档揶揄 萧、张承诺处理后事。
阿Bob入院，萧正楠及张振朗非常担心，而且目光长远，早已替阿Bob想定后事，张、萧二人分别代理家人和财产，张振朗笑言：“我叫佢唔洗担心，老婆仔女𠮶啲我会帮佢照顾。”萧接著说：“财产嘅嘢我帮佢分配啦，买落啲楼有几多幢都唔记得，好兄弟一人一幢都要嘅。”提到上前阿Bob缺席其中一集《美女厨房》录影，萧、张更笑言拍摄较之前顺利，萧：“好好㖞，唔知点解拍得好顺利，我觉得呢啲咁严重嘅病应该唞耐啲，起码都完埋呢季啦。”张附和说：“系啰，得返几集咋嘛！”虽然阿Bob惨遭拍档揶揄，但其实他知二人用心良苦，只是希望阿Bob可以休息多点，好让他不用操心工作，安心养病。
有传美女学徒薪酬低 阿Bob：唔洗咁高人工㗎！
早前有传闻指一班美女学徒因上节目似布景板兼show钱低引致不满，阿Bob竟直接说：“唉，唔洗咁高人工㗎，出面揾返咪得啰，今日少个零，听日多返几个零都无人话你，更何况佢哋进步得好快，而家都不知几咁积极，讲嘢踩界到，我都唔知佢哋点谂出嚟。”萧续说：“系啦，仲生蜢过我哋！”