【特技人‧专访】方绍聪做火人突破自己：身边人都叫我谂清楚
《特技人》在昨晚的剧情中，奶仔方绍聪饰演的糯米因为急需要钱，所以挑选了特技人中最高薪的项目火人来做。在这场戏中，演员通常都以替身完成，但奶仔却选择自己亲身上阵。
《特技人》还有一星期左右便播毕，剧集亦开始进入最后高潮部分，奶仔方绍聪昨晚就经历自己在整部剧最高难度的一场戏，就是饰演火人。为求迫真，奶仔决定亲自上阵，其实剧组一早有替身准备，究竟甚么原因驱使他要做一件演员不常做，而且具有危险性的事情呢？
原因嘛，其实每一个决定很多时都是身边的事情影响到自己，奶仔亦不例外，他说：“睇到其他兄弟都好多唔同动作，师杰飞出去捉柱，佢本身畏高㗎嘛，咁都肯做。之后又见到罗浩铭，虽然本身佢系特技人，但由咁高跳落嚟真系好夸张，男主角谭俊彦更加唔使讲，好多动作都由自己做，其实我哋几个好多动作如果可以自己做都会亲身上阵。𠮶时见几位兄弟咁博命，剧本𠮶阵未有写到我有咩动作，唯一一场就系我同李君妍嘅车震，都好辛苦㗎喇哈哈。我睇住啲兄弟咁辛苦，自己就企喺度开开心心讲吓对白搞吓笑就算。”本身奶仔在剧中只是轻轻松松，但他的一个决定却扭转了这个命运。
就在这个时刻，他的一班兄弟突然跟他说要上阵做火人，奶仔一开头以为这只是一个笑话，怎知原来是真的。当知道自己要做火人的时候，曾经挣扎过，究竟应否自己亲身上阵做火人呢？因为其实剧组早已安排替身上阵，奶仔绝对可以安坐一边睇替身做戏。“好多身边人都叫我谂清楚，但我真系好想自己做，我就走去问Roger师傅（TVB的动作设计）可唔可以自己做，佢𠮶刻同我讲：‘火人好危险，如果一个无经验嘅人接触火而好惊，周围走烧到其他人或者其他嘢，到时救你定救其他嘢呢？’所以呢样嘢要心理状况好好，但我真系好想试，可能佢俾我诚意感染到，佢就俾我试一个shot。”
一开始只是烧手，绷紧的神经立即放松，因为始终只是一个镜头，应该没甚么大事吧。奶仔在TVB打滚了八年，见过不少场面，但那一天拍摄的时候，气氛是从未遇过的，众人都将焦点放在他身上。Roger师傅和替身卓桦（郭卓桦）师傅甫一见他就叫奶仔除衫，因为要将防火啫喱搽在身上，总共搽了四层，再戴上防火头盔，万事做足准备。到了终于要拍摄，他说：“𠮶日师杰同浩铭都喺度，平时佢哋都会同我讲笑，但𠮶刻都好严肃同我讲小心啲。我一直喺大家心目中嘅形象其实同剧中好似，小师弟咁，如果唔掂会有人帮我补镬。𠮶刻佢哋好为我担心，但我自己虽然心底可能系惊，但因为卓桦师傅叫我唔好惊，因为一惊就会出事，我叫你做一二三就做一二三，符合指令就得，如果做多咗做少咗就会保证唔到安全。”
奶仔表示自己在TVB做了八年，从来没有人跟他说过如此严肃的说话，那一天所以工作人员是100%严肃，连临时演员都不敢出声，奶仔就在这种情况下准备拍第一个shot。“其实第一个shot算轻松，其实只系烧咗6、7秒，做完之后佢哋走埋嚟问我感觉点，其实我觉得都控制到。本身个程序就系我除衫交俾卓桦师傅做，但系Roger师傅问我可唔可以继续，我觉得其实ok可以。第二个shot搽防火啫喱嘅地方多咗，即系火会大咗喇，不过都顺利嘅。到第三个shot，啲防火啫喱愈搽愈多，我都忍唔住问一问其实有几大火，Roger师傅谂咗谂就答我同第一个shot差唔多。其实正常都谂到，搽多咁多一定唔会差唔多喇，不过𠮶一刻我都照做，唔知系咪我紧张，定系电油问题，我开始有啲眼瞓。行到最后烧咗七次八次，我开始唔系好focus到，我觉得自己真系做唔到喇，准备举手。我都未讲，师傅就走埋嚟话今日完咗。”
其实一cut机佢哋就会即刻过嚟救火，之后问我有无觉得边度热，因为有啲啫喱喺度，你唔会即时感觉到啲热力，系会慢慢渗落你皮肤，如果唔即时处理好有可能之后会烧伤。
要自己做火人，当然一定要有相当的勇气才可以成事，奶仔表示在整套《特技人》里面，一班人都是互相感染大家。第一个是朱晨丽，她不是一个动作演员，但却率先亲自上阵，到师杰再到浩铭，连谭俊彦也时时亲自上场，奶仔表示这个人是癫的，甚么动作也不怕。有一幕戏是谭需要滚落山涯，在旁的奶仔表示相当惊讶，于是上前跟谈说：“咁高，实受伤㗎，唔惊咩？”谁知道谭俊彦立即入mode，跟奶仔说：“你做火人都唔惊，我又有咩好惊？”
这句说话令到奶仔相当感动，原来自己做的事情亦可以感染别人，很多观众说《特技人》里面的演员都不是亲自上阵，其实不然，反而有很多动作也坚持自己做。除了互相感染，奶仔还表示在TVB八年，很少会有“特技人”这种角色，所以有些动作如果可以自己做，都要尽力做晒去，可能效果未必有真正的特技人上阵来得好，但他说：“可能我哋做𠮶阵真系会惊，好生硬，但咁咪符合返我哋剧中嘅角色啰？因为我哋本身系汽车特技人，跳楼、放火、碌落山我哋真系会惊㗎嘛，咁观众睇落咪会觉得好似真系做紧剧中演员。”
在拍火人的现场，一些负责拍摄的团队也赞奶仔够勇气，还表示做火人的替身有很多，但演员做火人十几年只有几个，可能对上一个已经是张卫伟做孙悟空。这个情况可能是因为一些资深的演员，背负著太多责任，如果因为一场火人的戏而令到自己受伤，随时会影响整个拍摄流程，所以很多时只能找替身做。奶仔够能如果博命，一来他将自己放到好低，二来在此剧比他知名度高的人大有人在，既然他们放身去做，自己更没有理由无所事事。