陈法拉找数贴水著相　投诉法籍男友摄影技术有待改善

陈法拉今日（30日）回港出席品牌活动，但因为来去匆匆，所以未能够好好约朋友出来聚会。法拉在访问中又坦言自己最近忙写剧本：“系一个英文剧本，而家每一日朝早7点起身，8点去到咖啡店，我一定要去咖啡店，因为我喺屋企系写唔到剧本，因为自己规限自己作息时间系好难，所以约埋几个编剧朋友8点去到10点，写两个钟，强迫自己写，冇得上网冇得玩，只可以系咖啡店，每一日都系咁，虽然会有其他事情会做，但起码有两个钟可以写剧本。”

提到法拉早前在社交网站公开泳衣照，她笑言是“找数”，原因是早前回港承诺过传媒会发泳衣照：“我系咪好有诚信呢？”问她是否满意法籍男友为她影的相？法拉回答：“其实影咗好多张，一张去天，一张去地，都见唔到个人，但又唔系咁差，要沟通，因为男仔女仔影相好唔同，女仔想要𠮶个角度，男仔又会用咗第二个眼光，所以大家永远要沟通。（咁佢摄影技术点？）有待改进。”