【后生仔倾吓偈】FYY男友系大醋埕　严禁拍咀戏：但可以拍床上戏

昨晚播出的一集《后生仔倾吓偈》题目是“小器鬼”，冯盈盈 (Crystal) 今次唔止大爆金句，仲大爆男朋友宝宝是一名方丈，在她入行之初直情讲到明话唔想她拍剧，唔想她同男仔做对手戏。Crystal即霸气同男友讲：“我唔去拍剧点赚钱养你呀？”结果男友唯有乖乖咁话“好啦。”

她又继续爆料话男友超介意她拍亲热戏，要她应承拍剧唔准惜惜，反而可以拍床上戏！Crystal引用男友的解释说：“佢话因为拍床上戏通常都唔会打真军。拍咀嘴戏就系真咀嘅。”此时陆浩明即大表惊讶话：“咩通常？乜唔系完全唔会打真军㗎咩？除非三级片同成人电影啫。”

之后Crystal就话早前拍新剧《白色强人》有同何广沛拍咀戏，拍前已经有同男友备案，通宵拍完后，更要用手机发千字文同男友报告，交代清楚成个拍摄过程，以安抚男友：“讲佢知净系惜咗3下，冇多冇少，冇任何体液嘅交流。但系宝宝𠮶晚都系不停咁埋怨。”好在Crystsl明白男友咁小器完全都系因为紧张她同好爱她，所以并无怪责男友，仲话会3倍惜返对方，咁好嘅女朋友去边度揾呀？

一齐睇下FYY有几正啦！