郑秀文被网友问私密问题　屋企有无挂结婚相？

郑秀文（Sammi）最近四出为新歌《Creo en Mi》宣传，作客Big Big Channel直播室，接受主持许文轩(Edmond)和网民即时提问，网民问题相当有创意，当中更有些贴身问题，不过Sammi 都有尽力满足大家的好奇心！

除了Sammi 的新歌，大家最关心的是Sammi的私下生活，有人问Sammi 私底下会不会叫许志安(安仔)做老公，Sammi 说：“唔通叫佢老爷咩？其实真系好少叫老公，不过外出介绍佢，都会同人讲呢位系我老公。”但至于会点叫安仔，Sammi 就支吾其辞，话会有另外嘅称呼，可能这个称呼真系好骨痺出唔到街。有人问Sammi 屋企有无挂结婚相，Sammi 大赞呢条Good question，她说：“都有挂少少啦。”

亦有人问得好私密，问Sammi 床头有无摆公仔，她回答说：“有，床头有两粒，好细的，一只狗仔，一只猫，分别代表我只狗Lucky同我只猫Mike mike。”Edmond 追问有无喜欢的卡通人物，Sammi 说：“细个钟意Little Twin Stars，大个之后无呢啲童真，（钟意Little Twin Stars真系好女仔），所以钟意好短时间就唔钟意。”

大家平时通讯喜欢用send 讯息或直接打电话，而Sammi就有一个特别的习惯，就是钟意视像通话，Sammi 说：“我钟意系唔系都用Face time，好多朋友嘅真面目畀我睇晒，好多时啲女仔都无化妆，最近打畀梁汉文老婆，佢就系咁大叫然后用枕头遮住自己，见到大家嘅真面目我就会好开心。”

Sammi 1988年参加第七届新秀歌唱大赛入行，短暂在电视圈打滚过，最令人印象深刻的是《大头绿衣斗僵尸》，最后一部出演的剧集是《齐天大圣孙悟空》，她在当中客串观音，之后主力唱歌拍电影，有人问到她会不会再拍电视剧，Sammi说：“我唔排除一切可能性，如果有一个好嘅角色，Why not?!”好期待再见到Sammi 拍剧，不过佢咁忙，机会真系有点细呢！