【港姐2018】邓卓殷已封盘　有个Long D外国男友：佢话好以我自豪

《香港小姐2018》就由邓卓殷（Amber）成双料亚军成为双料亚军，开心事当然就是与家人分享庆祝。今日邓卓殷（Amber）会见传媒时接受《香港01》访问，她表示昨晚比赛结束后回家，就是与家人聊天分享。“返到屋企之后都好夜，不过都同屋企人倾咗好耐计，因为屋企人都好兴奋，倾咗大约一个钟头左右。不过就冇乜庆祝，都系食咗个杯面，因为真系好肚饿，跟住就瞓觉。(个杯面咩味？）海鲜味，好似食紧一个海鲜大餐咁。”

昨晚节目问答环节中，就有司仪问道：“几时（几岁）可以买楼？”唔知道亚军邓卓殷（Amber）又点谂呢？“我系同屋企人住嘅，所以冇呢个压力。香港楼价都出名贵大家都知。不过啱啱毕业未有买楼打算，但系希望喺我有生之年拥有一层楼。”而据知邓卓殷（Amber）现在还有一名居住外国的男朋友，会不会将来男朋友回流香港之后买楼定居？她回答说：“之后嘅问题，就之后再解决啦，咁女仔未结婚之前应该陪多啲爹哋妈咪。（男朋友有冇恭喜你？）佢有Send Msg畀我话好Proud Of Me 咁样。不过因为有时差仲未倾电话，可能今晚得闲再打电话。（佢住喺边个国家？）喺外国啰。”