冯盈盈做港姐主持淡定无乱噏：睇得出我有唔同系一种肯定

冯盈盈 (FYY)不时在《后生仔倾吓偈》语出惊人，前晚佢同好姐妹麦明诗一齐主持港姐问答环节，事前二人都表示担心会讲错嘢，但节目出街后，唔少网民都激赞FYY的表现，更指佢对住Do姐（郑裕玲）都可以咁淡定，比起陈凯琳两年前为《万千星辉贺台庆》担任司仪时，口快快将“奋不顾身”讲成“粉身碎骨”绝对系超班，有网民更认为FYY大可主力向司仪发展，因为她转数快且够贴地。

当年FYY参选时，因为被网民揾到佢昔日的金毛（加粉红）旧照，故一直有“MK港姐”称号。而自从佢主持《后生仔倾吓偈》后，因不时都大讲甜嘢，网民有感佢系博出位，但与此同时，亦有网民觉得FYY唔造作，与过往的港姐有所不同而对佢另眼相看。

其实Do姐同FYY已非首次交手，今年FYY曾作客《Do姐有问题》，但佢喺节目中口无遮拦，搞到Do姐都顶唔顺，大叫：“盈盈咪嘈！”估唔到数月后，二人于港姐舞台上交手，当11号李明芙被麦明诗问到︰“你觉得有边个佳丽今晚赢咗会唔公平?”时，见到佳丽一味笑不知如何回答，Do姐即时帮口话︰“可以答冇。”麦明诗听到之后即指Do姐偏心，又话自己当年参赛时都无此待遇，结果惨被Do姐一句“你都选到香港小姐啦！”KO，而在旁的FYY就马上补一句打圆场︰“系呀，所以好收声啦！如果唔系俾人话唔公平。”比起平日于《后生仔倾吓偈》收唔到掣的表现，FYY原来都识睇场合。

FYY接受电话访问时以“受之有愧”形容网民的赞赏:“我觉得冇乜大错、冇破坏个骚已经好好，中间有啲dead air，都系靠Do姐出手相救，所以如果赞我，更要赞Do姐功力深厚。”她说一众佳丽曾作客《后生仔》，对于大家的互动也有一定的帮忙，她亦因此更了解佳丽，所以在设计问题时更易落手。“网民可能觉得昨晚的冯盈盈有所不同，为什么呢？因为我有刻意去压低把声，唔好太尖，说话的语气同语速都有所不同，因为想配合港姐的气氛，我唔知呢种做法啱唔啱，但网民觉得OK，对我来说也是一种肯定，他们有留意到我所花的心思，好开心观众原来睇得咁仔细，努力叫做有回报、有价值，多谢大家。”不过问到网民推做Do姐接班人时，FYY就大叫唔好玩，并指自己拍马都追唔上Do姐。“Do姐咁大方淡定、又压到场，我永远都学唔到，如果真系畀我拣，我更想成为女版星爷，想在搞笑方面更努力，虽然自己好似已经在搞笑艺人路线上。”