【港姐2018】泳装问答环节　20号邓卓殷将农夫改名变“播种的机”

《港姐2018》终于进入高潮环节，在Foul走8位佳丽后，只剩下最后12强。而且由于节目相当紧凑，所以立即就进入泳装环节，讲起泳装，大家都知道一班佳丽除了要著泳衣之外，仲要面对主持一些难以抵挡的问题。第一轮头四位佳丽面对著Do姐和萧正楠曹永廉两兄弟，可能两位男士主持经验未算好多，问题都不算太刁钻。

不过之后4位佳丽就惨喇，佢哋除咗继续要面对Do姐，仲要换咗麦明诗冯盈盈两人上场，系人都知佢两个讲嘢一向十分锐利，结果11号李明芙一嘢就俾佢哋问到口哑哑，条问题就系：“如果今晚除咗你自己，有边一个佳丽赢咗系唔公平？”一听到呢条问题，佳丽立即呆咗，之后谂咗几秒都答唔出。不过谂谂吓，佢突然一开口就答咗句：“系Honey…”哗！开埋名，Do姐即刻帮拖叫佢唔使开名嘅，呢个时候麦明诗仲唔放过呢位佳丽，话Do姐唔公平帮手。Do姐也不是省油的灯，一嘢就话：“你都系香港小姐喇，咩唔公平啫？”之后仲教李明芙应该点答问题，好彩有Do姐咋！

最后4位，主持继续有Do姐，再换上老配搭农夫，一睇就知会笑爆咀。连Do姐都话农夫嘅问题十分精彩，不过唔只农夫好笑，20号邓卓殷都好好笑，农夫话要帮佢哋改个新名，佢竟然话系：“播种的机”，连Do姐都忍唔住笑。至于讲要改Do姐花名时，就话系“香港一姐”，唔只搞到笑，又识得大体，劲呀！