【火速救兵】陆骏光演消防员挑战高温坚玩命：拍古装都冇咁热！

陆骏光（Alan）今日（26日）参与香港电台剧集《火速救兵IV》拍摄，饰演消防区长的他着住重逾9公斤的全副装备进入火场救灾。虽然全程有真正的消防员监察拍摄进程，但陆骏光却面临“最担心自身生命安危的一次”，因为戴上氧气樽同颈巾连面罩的他亦要着住非常厚重的“黄金战衣”，他接受《香港01》访问时说：“咁大个仔都未试过咁热，拍古装就算打埋都冇咁热！寻日有一刻系想晕、想停一停机，但系又觉得好瘀，所以顶硬上。”

陆骏光直言觉得当时身体无法散热，心脏跳得又快又响：“过咗十分钟后，我就好啲喇，因为熟习咗，唞顺条气，慢慢舒吸就好啲啰，然后就真心觉得消防员好犀利。（成身湿晒？）好似俾人倒水淋到湿晒咁，拍到尾就换走制服即刻入落胶袋，拎返屋企即洗。”

十年前被王喜救出　今日变消防员救人

其实陆骏光在无线剧集《烈火雄心3》（2008年制作、2009年播出）中演出，但不是与王喜、郑嘉颖并肩作战的消防员，而是被他们拯救的小混混。在第2集中，他便与黄宗泽被困于已成火场的卡啦OK里面，王喜几经辛苦才找到他们两人：“𠮶场劲呀！啲火喺几个石油气罐喷出嚟，直头喺我哋头顶飞过，我哋已经即刻趴低，但啲头发都系烧着咗，要即刻揾人拍熄，事后发现啲火连块面都烧埋搞到啲毛冇晒。讲真，我觉得我𠮶场做得好好，几有满足感。”

陆骏光又笑谓当时不懂得害怕：“可能𠮶时仲细，唔识惊，又一心想做得好啲，因为都算有戏做。其实真系冇谂过啲火咁劲，爆之前工作人员就话数一二三就跑，Bosco经验丰富过我好多，佢就话几大就数到一就要跑！之后王喜喺《今日VIP》里面点名赞我呢场做得好，𠮶次系第一次有前辈赞我，之后我都有亲自多谢佢。”