【专访】萧徽勇面对网民质疑一一解答　强调蔬果汁断食亦要做运动

经过上一次萧徽勇（Gordon）接受《香港01》专访后，Gordon透露如何能用60天蔬果汁断食大法减去60磅，报导播出后引起众多网民留意，然而网民对于蔬果汁断食法存在好大的疑问，譬如说：“减完肥点解对眼好似好唔精神咁”、“系咪之后唔洗做运动”、“系咪有病先瘦得咁快呀”。昨日（Gordon）再接受《香港01》访问时亦一一解答大家的疑问。

Gordon对于网民嘅疑问十分了解，Gordon表示印象最深刻的一个留言是网民问我是不是患有癌症，“咁岩篇报导又拣咗一张相系我化紧死人妆，面色系似有癌症系绝对唔出奇。”其实Gordon强调蔬果汁断食法不是一个减肥方法，“蔬果汁断食法重点其实系自我哋出世以来都冇俾我哋肠胃休息过，因为我哋永远嘅传统思想就系食，系个口到吞吞吞，跟住去排泄，从来肠胃冇休息过啦，你机器不停用几十年，你唔坏都有问题啦，同一个道理。所以蔬果断食法重点系俾你身体去休息，跟住清洗肠胃然后再重启，呢件事都市人从来冇机会做。”

同时间对于很多人问“咁样唔食野60日系咪真系瘦到呀？”，Gordon对呢一个问题很不解，“我已经系一个人板，唔知点解大家仲会问我系咪真系得，呢个系我第一个疑问，不过当我第一次听到呢个方法时候，我都系同一个反应，呢个方法得唔得呀，因为一般都市人唔会去谂唔食野60日，你从来都唔会有呢个概念，作为都市人由其是香港人好容易去食到野，紧有一间系左近，买食物系非常之容易。都市人已经基本上系我哋呢一代或者打后咁多代呢世人从来未挨过饿。其实食野唔系分饱唔饱，因为基本上嚟讲人要点去生存呢？要满足细胞，咁食野要提供营养俾你细胞，咁点解饮汁系可以得呢，汁就系有足够营养提供俾你嘅细胞，只要你细胞满足到同埋我之前系我live提过无数次，细胞点样满足同细胞需要乜，需要就系微量营养素，微量营养素只会系蔬果到嚟。”

其实很多人会质疑Gordon说不用做运动也可以瘦，Gordon笑言从来没有说不用做运动，只是这60日当中不用做这么剧烈的运动。Gordon这次强调世界是从来没有不捞而获：“其实做运动你做几多就会收几多系成正比，世界得呢样系成正比，你唔觉得番工好，爱情好，你付出几多唔代表会收番几多，但做运动系你付出几多就会收番几多，而有运动界朋友揾我话我一嚟就乱讲说话，绝对冇呢回事，我只不过讲蔬果汁断食其间唔需要做太剧烈运动。”至于仲有咩迷思想Gordon哥哥解答，记得睇埋楼下条片。