周慧敏渡过50岁后不敢违抗自然定律　“渴望优雅地老去”

周慧敏（Vivian）早前忙完巡回演唱会后，现在处于休息阶段。正在忙演唱会期间，众多粉丝不停在Vivian社交网站讲佢太瘦，需要增肥，令到Vivian有增肥嘅决心，“我乖乖地听佢哋讲去增肥，我上镜嘅话，好似前一段时间咁瘦系适合，因为上舞台都要瘦，其实我上镜系会肥十倍，所以我要比正常人更加要瘦，但系宜家可以休息，咁我可以尽情食，足足肥咗5磅，现在大概105磅，到年底巡回再开始，又要减少少先可以著得落演唱会嘅衫。”

近年Vivian不停被大家称为不老女神，Vivian直言觉得网友们系夸奖佢，“其实我多年来系有变化，咁我过咗50岁，希望将来可以优雅地老去，咁就OK，我唔会挑战自然定律。”当然大家想知道Vivian多年保养秘诀，Vivian笑言做运动可能系原因之一，但重点要保持开朗态度，呢一点旁人会从眼神可以观看到。

Vivian间中会于自己社交网站Post当年年青时候照片，引起大家热烈讨论，Vivian咁做原因系为30周年演唱会要回顾一下，令到Vivian想当年。问到入行多年，Vivian最喜欢哪一个阶段嘅自己？Vivian直言准则同其他人唔一样：“我每个阶段都有好珍贵回忆，而我学到同得到嘅事，累积下来先可以成就今日嘅自己，所以我冇话最爱或唔爱哪一个阶段，我只想讲活在今天要珍惜当下，能够处理好现今事情已经好唔容易。”