郑秀文称Side Track音乐会意义重大　“但我净系想做一场㖞”

苦等两年，郑秀文（Sammi）的全新广东大碟“Believe in Mi”今日（17日）正式上架，刚刚一出便大获全胜，登上iTunes大碟磅第一位，都咪话唔犀利呀！

今次是Sammi首次穿泳衣拍摄专辑封面，大家都觉得好sexy，Sammi笑言：“一件头我觉得OK嘅，冇咩嘢嘅，咁嘛三点式就话啫。”难道大胆尝试，难怪安仔都激赞太太啦：“咁都应该嘅，冇饭食嘅㖞，几危险！”

今个星期日就系Sammi 46岁生日，疼锡歌迷的她今次特登开一场Side Track音乐会和Fans一齐庆祝：“其实听日会去澳门Rehearsal，𠮶音乐会专唱我咁多年嚟Side Track嘅歌啰。”虽然正日不能同安仔一齐过，不过Sammi表示老公非常支持自己：“佢知道我好爱工作，同埋呢个音乐会对我嚟讲意义好大，因为好多年都好想做呢样嘢，但我自己净系想做一场㖞，咁又要揾啱嘅场地啦，又要编排啲歌呀，咁其实都做咗好多好多嘅功夫啰。”Sammi直言好多谢公司的配合。

讲到生日礼物，日前安仔出席活动时就表示想织件冷衫给Sammi，不过她就暂时未见到“真身”，但Sammi透露，原来安仔真的识计针数：“叻过我先啦，起码知咩高低针，我做唔到，唔系好识呢啲嘅，咁……织得出先算啦！”言语间爱意满满。至于生日愿望，Sammi就觉得身体健康最重要：“虽然好老套，但系我觉得你无论做乜嘢，顺意或者唔顺心，如果有一个健康嘅身体，你都有足够能力去应付啦；第二就话𠮶心境时时开朗啰，同埋我希望来年多啲机会去帮助其他嘅生命，譬如有啲人有Depression呀，或者有啲人解决唔到心理上嘅问题，我会拎多啲时间去关心身边嘅人啰，因为我觉得实在太重要啦。”