【专访】陈咏谦靠填词养家　陷中年危机：创作真系要趁后生

香港填词人王仲杰曾在网上透露自己的作品在音乐平台有近13万点击，但他却只收到12元版税；数月前，沈震轩曾在网上分享三首作品的创作收入：$7500，到底音乐何价？身兼填词人、歌手的陈咏谦也曾收过十元支票，历时两、三年：“收完之后会去谂，下次点先可以系收几万蚊而唔系几十蚊。”

入行10年多，陈咏谦先后得过3次“叱咤乐坛填词人大奖”，但在这荣誉来到之前，他也遇上过大部分音乐人都会遇上的穷。到底系爱、系坚持抑或其他原因令他走到今天？他说每个人把尺都不同。“爬上山系一定攰，如果你立志要上到最高就一定要爬，系辛苦，但我唔介意认。”爬与唔爬，其实无人可以迫你。“质际数字虽然不便公开，但我一定系觉得合理先会继续写。”曾经他为了最高点而死爬烂爬，如今有了一定的地位，却又多了另一种顾虑 。“每次写到好攰就会谂，有咩系可以唔使靠写嘢维持生计，呢个感觉愈来愈强，创作真系要趁后生，依家太多顾虑，导致愈难创作，我写过4百几只歌，有hit亦有更多唔hit，明知有一类型系唔hit咁仲写嚟做乜？但同时又会被旧有嘅hit歌绑住……”说来说去，这更像中年危机，陈咏谦哈哈大笑后，说心理医生也是这样诊断，他之所以去见心理医生，并非有什么大病，而系“因为未睇过”……

等到老板都嬲

陈咏谦最近一连两只派台歌《放未工》、《饮啦小气》，看似密集，但其实他对上一次派歌已经系去年一月。“公司担心我进度好媛慢，所以就算去年已经录好呢两只歌，都一定要我录埋第三只歌先派歌……”结果第三首歌迟迟未见影，老板Gordon　Lee终于忍唔住出警告信，召唤他到公司一趟。“佢一嚟就问‘陈咏谦你想点？’呢个问题真系好难答，因为呢个系一生问自己最多的问题，我鬼知咩。你问我系未好急要出歌？咁一定系公司更急，我当然系想写到最好先出，但系我同公司份约系有年期， 咁拖随时完约都未出到，我叫Gordon比个限期，佢话‘半年前过左啦’。”陈咏谦再次演绎以上对话内容时，笑到无停，要是Gordon在场，应该会爆血管。

唔做好榜样

问到既已为人父，难道不担心囝囝WooWoo有样学样？陈咏谦说自己应该是会与WooWoo蛇鼠一窝的父亲，更举例说明“我会讲晒啲答案然后叫佢再写，做完一齐出去食饭”陈太如果有幸睇到呢个访问，大概已经头顶冒烟，陈咏谦笑说如果杀人不犯法的话，他应该已多次死在老婆手上，死罪是随时随地瞓著然后叫唔醒……“之前去布吉旅行，个仔喺泳池瞓咗几个钟，我见到好开心，真系有虎父无犬子感觉……”

你睇我好　我睇你好

《放工未》讲出不少打工仔心声，陈咏谦成为填词人之前，只在商台工作过半年，之后做陈奕迅演唱会的和音，每次练歌都似睇演唱会，返工对他而言是什么一回事？“我都有月入几十万的朋友，自己入行初期都好羡慕佢哋，因为佢哋份工有保障，而我系唔知会唔会成功，亦都有好多人话过我系唔会成功，同埋，就算今日，我都随时一下子无歌唱／写。我都有问过律师朋友，佢哋唔会因为高收入而等收工等得开心啲，因为要供车供楼，唔可以无咗份工，所以更要等到够钟先走，压力好大架。”正因为《放工未》，陈咏谦可以暂时放下自己的身份，以歌中提到的Franky Mok“重生”。“因为我第一只EP做得好唔自在，每首歌都要顾返自己形象，今次系自己歌，可以玩多少少。”过往他所写的，离不开梦想与爱情，话唔闷就假嘅。“有时写歌都会写到有种放工未的感觉，那怕呢只歌系由呢位歌手唱、而且应该会hit，但都会想放工。”

 Hair：Haysses Ip@HAiR

MakeＵｐ：Chi Chi Li