【港姐2018】陈苑澄潮玩Kiki Challenge疑犯法　今日露面点拆弹？

社交网站嘅流行，不时有“网上朋友”TAG人接受挑战，无论系冰桶挑战还是最近疯传嘅In My Feelings Challenge。外国有唔少艺人都有拍片玩埋一份，但同时引起安全问题。前AS ONE成员兼今届候选港姐陈苑澄亦玩埋一份，大晒长腿又挥动丝带，系就系动作优美，但就引嚟大批网友留言炮轰：“拍片者危险驾驶，教坏细路。”

In My Feelings Challenge出自加拿大歌手Drake的新歌《In My Feelings》，由网络红人Shiggy带起。事缘佢喺IG上载了一段以《In My Feelings》为背景音乐的原创舞步，事后被网友和明星疯狂跟风，瞬间引起大众关注。因歌词中有一句“Kiki,do you love me? Are you riding?”，所以又称“Kiki Challenge”。

候选港姐陈苑澄原本系跳唱组合AS ONE嘅成员之一，舞功当然有返咁上下，佢都跟上热潮拍片分享，一开始陈苑澄对住镜头送上韩式心心手势，然后开车门落车，露腰晒长腿，不时扭动身体SHOW出S线条，踢腿兼拎起彩带棒挥动，最后掉低彩带跳返上车。

本身佢都系想凑热闹兼晒下舞技，点知惹嚟一面倒负评，“拍片者危险驾驶，片主就乱丢垃圾”、“真系好无聊又危险，仲要巴士站黎，二来佢系片系无交代有执返都无拍到有执返，变相宣扬乱抛垃圾，危险行为又无叫人唔好乱试”片段明显由驾驶位置拍摄，有危险驾驶之嫌，分分钟已触犯《道路交通条例》，最高可判罚款25,000港元及监禁3年。片段上载两日超过一万四千次浏览，仲要不停被闹，陈苑澄都仲未删片，又无回复传媒查询。今日下昼佢会同其他候选佳丽出席活动，唔知谂好点拆弹未呢？