【后生仔倾吓偈】20佳丽分享感情状况　竟然一半以上都冇拖拍

撰文： 邝钰莹
出版：更新：
4号邓美欣一提到初恋男友时十分冧，更透露二人拍拖三年多。

最新一集《后生仔倾吓偈》揾嚟20位港姐佳丽做嘉宾，面对呢批后浪，麦明诗同冯盈盈都忍唔住自认系“old seafood”。难得咁齐人，仲要喺《后生仔倾吓偈》，点都唔会系讲扮靓、选美心得，今集以“恋爱经历”为题，一开始，麦明诗同冯盈盈就吩咐各人写下目前嘅恋爱状况：available同occupied。

11号李明芙今年23岁，因家屋企管得几严所以至今未拍过拖。

结果喺20位佳丽当中，有一半人都表示系available，而6号嘅杜爱恩同11号嘅李明芙更系处于A0状态，即系完全未拍过拖呀。6号杜爱恩表示身边不乏追求者，但自己个心就唔喺太过著紧。“但如果有嘅大家都可以安排吓。”即系都想拍拖啦……至于11号嘅李明芙，佢就解释“妈咪话18岁前唔可以自己出街，之后又以学业为重，而家就事业为重，屋企人都预咗我做老姑婆架啦……”由钟嘉欣、李亚男、岑丽香、王君馨同苟芸慧成立嘅处女党 (Amazing Esthers)睇嚟已经揾到接班人啦！

14号Honey Ho感情状况系TVB3，即系available定occupied呢？佢就无多讲，不过就话自己对上一次分手原因系因为对方偷食。
12号童铭欣为保护男友，所以将ig上的合照通通消失。