陈茵媺一拖三加国返港　陈豪完美示范点“锡”老婆

陈茵媺（Amiee）上月趁暑假，一个人带住三个仔女飞回加拿大娘家，11号晚回港，“爱妻号”陈豪亲自到机场接机。晚上九时，Amiee一拖三现身，大仔Aiden坐喺小型行李箱上，二仔Nathan及细女Camilla则坐在BB车上。同老婆仔女无见面成个月，陈豪第一时间唔系睇小朋友，而系钖咗老婆先，真系劲Sweet，之后陈豪再同三个仔女逐个亲吻，场面温馨。

陈豪为广大老公作出一个好好的示范，老婆咁辛苦一个人带住三个小朋友来回加拿大同香港，作为老公嘅，好应该第一时间畀老婆一个爱的Support：“老婆一个人凑三个细路咁辛苦，凑仔真系难搞呀。”陈豪为咗补偿太太咁辛苦，所以计划同Amiee嚟个二人旅行，咁会唔会趁机再造人呢？陈豪说：“依家已经够晒热闹，我哋只系想二人世界咋﹗”

Amiee今次一拖三返加拿大，实在唔容易，真系一个Super Mum！听到老公陈豪话佢哋唔喺香港时，觉得好空虚，Amiee笑说︰“我哋好挂住佢，佢都好挂住我哋，但因为工作所以佢唔可以同我哋一齐飞。（好似话仔女玩得好开心，没咁挂住爸爸？）𠮶边好多屋企，日日都带佢哋出街玩，佢哋日日都玩得好开心，但都成日话有挂住爸爸。”