【夏日VR明星决战】星梦力捧戴祖仪：好感恩多咗工作机会
撰文： 吴子生
出版：更新：
戴祖仪〈Joey〉今日（11）现身铜锣湾无线《夏日VR明星决战》活动。2018年加盟星梦娱乐成为旗下歌手，7月初推出首支派台歌曲《未开始的故事》成为星梦重点栽培之一，工作一浪接一浪，星途无可限量。
最近首次为无线单元剧集《爱情没有来的时候》担正做女主角，并唱埋主题曲，觉唔觉公司力捧？“可以咁讲啦，好感恩啦，喺多咗工作机会，唱歌同拍剧有机会去尝试。”
上星期日首播《爱》，Joey全片只出场10钟，一众网民表示中伏。“其实都估唔到大家咁喜爱，会有啲人觉得我唔抵只得10分钟，其实成程跟足两个星期拍摄，佢哋嘅辛酸经历都一齐见证，好多人会问我，下集会唔会见到我出现，喺唔会嘅，如果miss咗就要上返MyTv再睇重播啦。”