古天乐被误以为拍戏受伤 原来系剃须刮伤血流不止
撰文： 赖家杰
出版：更新：
古天乐昨日（10日）出席香水品牌活动，但古仔接受访问时就透露当日早上发生了流血事件。一众记者误以为古仔拍戏受伤，谁知古仔回答令人惊讶：“早上起身剃须嘅时候剃到流血，剃完想止血，但止咗成个钟先止到血，搞到成口都系血。今日自己工作都好忙碌，我都怕影响今日行程。”不过呢啲嘢古仔都觉得系小事，所以就唔洗去医院啦。古仔笑言：“头先就比较担心，因为止唔到血，好彩最后都止到血。”
大家都知道古仔系事业强人，而家工作上仲有几部戏拍紧，但有一件事佢觉得好辛苦，就系炎热嘅夏天。古仔直言：“近排天气好热，我哋夏天时间拍紧冬天戏，又著皮褛，比较辛苦。”讲开消暑方法除左饮水外，古仔话佢自己嘅解暑方法有少少奇怪：“我就比较奇怪，著咗套戏服就唔除，因为一著一除有时候适应咗，著番仲热，同埋保持心境平和就会好啲。”
今日见到古仔眼中有红血丝，其实会唔会系古仔拍戏太忙令到自己冇乜时间睡眠？古仔笑言：“其实因为自己唔太识得洗面，洗面𠮶啲（泡泡）入咗只眼里面，所以我每日冲完凉要成个钟先会冇红血丝，而平时睡眠确实唔足够，不过都会尽量争取睡眠。”