【杀手】黎耀祥及陈豪两大视帝联手　但造型有天渊之别

TVB 新剧《杀手》由两大视帝担任男主角，分别系黎耀祥及陈豪，故名思义二人当然系饰演杀手，祥仔亲自介绍今次自己角色：“我系一个好Fit嘅杀手，不过系20年前，家道中落，所以有一个肚腩喺到。”其实今日（7日）公布一众演员造型，好多演员都相当突出，二人又点睇自己呢一身造型？陈豪表示：“就系要咁样，女性要耀眼，令到大家眼前一亮，会令到我哋有睇佢哋兴趣，而我哋就系核心，负责中和大家。”

视帝双双出现，难免有斗戏呢个情况出玩，祥仔笑言呢一点系必须嘅，陈豪指大家杀手嚟嘛，“自己几钟意呢一部剧，因为剧中会解构杀手系啲乜呢？唔只杀人，譬如有合约呀，边个揾佢杀人，杀手同杀手之间又唔可以报仇，讲好多杀手嘅事。”祥仔好认同陈豪讲嘅说话，祥仔直言：“其实比较现实，大家都好人性，唔会再系以前嘅杀手，好浪漫化好假咁，我哋都要面对生活，大家都要揾食，现实要点掩饰。”

二人近年转移重心北上发展，香港剧集中甚少见二人出现，问到系咪香港剧集减产，一年拍一部？祥仔先回应：“其实唔系㗎，都冇特别去分，边到有工作就做，咁香港我哋唔会离家，始终自己香港人，香港演员，我觉得戏喺地道文化好紧要，香港人拍香港戏俾大家睇，呢一样始终离唔开。”陈豪指身为演员边到有戏就会拍摄，所有事都系一种机会。