【卢凯彤逝世】林一峰FB悼念：天地再大我亦会找到你，改天相见！
卢凯彤（Ellen）跟林二汶于2001年组成at17出道，而林二汶哥哥林一峰一直都跟Ellen感情要好。一向以“阿妹”称呼Ellen的一峰下午在Facebook上载了一张天边一道光的照片，以自己的歌曲《再见雪人》来悼念Ellen：“天改变 地改变 今日将变作昨天 明日却未会为某些祷告改变 但我的心 留给你 不会苍老 永未休止 等待有日你在远方终于也化身飘雪 天地再大我亦会找到你 改天相见”。
【卢凯彤逝世】《全民造星》监制震惊：寻日录影佢好积极话要增肥
相关文章
【卢凯彤逝世】为《红Van》配乐时陷低潮：朝早喊完就去做配乐！
【卢凯彤逝世】《全民造星》监制震惊：寻日录影佢好积极话要增肥
王宗尧：了解唔到，好难相信！
另外，同样跟Ellen一样支持平权的艺人王宗尧接受《香港01》访问时，透过Whatsapp表示之前跟Ellen在公开场合及平权活动见过面：“大家都相信一啲同样嘅价值观，都想透自己嘅工作，将一啲自己想讲嘅讯息宣扬开去，信无论佢嘅作品同埋人生都好......好鼓励性。所以今日无论系识佢嘅人又好，同佢一齐做过嘢嘅人都好，对呢件事都会好愕然，好多人都系最近去书展嘅时候见过佢，有啲人系㖊日全民造星见过佢，有啲人系前日Eason签约嘅时候见过佢，大家都觉得佢表现上系无问题，咁所以了解唔到，好难相信呢件事，大家都觉得好心痛，好愕然。”
森美：关心多啲身边嘅朋友
至于跟Ellen做过不少访问的森美就表示非常惋惜，对上一次跟对方见面就是做电台节目访问：“都有段时间，所以都唔系好清楚佢嘅情况系点，我净系睇到啲新闻，实际情况都唔知。圈内同圈外都有好多朋友将消息互相通知，同时间都关心大家，我都觉得好重要。关心多啲身边嘅朋友，如果佢唔开心嘅时候，可以帮助到佢，令佢觉得呢个世界更加正面好重要。有啲人话帮唔到，其实都唔系帮唔到，如果你发觉关心对方嘅时候好负面，咁你就可以从佢负面反应当中就测试到佢响起警号，可能就需要更加多帮助，所以多啲关心系有用。”