汤洛雯想转行型格路线　对新恋情唔执著：两个人好讲时机

汤洛雯今日（3日）出席彩妆品牌活动，平日形象甜美的她，化咗一个相对妖艳的妆容，同平时非常不一样，靓汤话其实自己好钟意作唔同尝试：“其实我呢排都尝试紧一啲型少少嘅造型，入咗行都五、六年，都想有啲变化。我好多角色都想试，最想试一啲烂挞挞嘅角色，之前做《火线下的江湖大佬》，演炜哥后生版，做江湖大家姐，大家又觉得OK㖞，同埋做出嚟我都好钟意自己可以咁豁出去。”

靓汤近来事业得意，接落唔少广告，曝光率又高咗，事业得意，唔知情场又点呢？目前单身的靓汤坦言有人追，但仲系了解阶段，至于系咪圈中人，佢就不愿透露。经历咗上一段感情，靓汤嘅感情观都唔同咗：“宜家大个咗，觉得执着唔系一件好事，两个人一齐好讲timing(时机），都系一场缘份，唔系话系你揾成熟稳重细心嘅人，就会一定遇到，就算遇到，都可能遇到其他问题，例如价值观，所以我依家都唔会刻意要求啲乜嘢。”