《BB来了》杨卓娜型金牌陪月需兼家庭辅导　真分地狱天堂两大派？

杨卓娜在无线剧集《BB来了》中饰演一名金牌陪月，其金牌的由来并不单止是她对初生婴儿和坐月妈妈照顾得无微不至、又是顶级催乳师、又是汤水专家......等等，但其实她最厉害是将李佳芯家中问题逐一化解的能力！例如佳芯老公黎诺懿的产后抑郁、佳芯与卢宛茵的婆媳纠纷、卢宛茵与佳芯妈妈陈秀珠的水火不容......等等，堪称是神级陪月！
但到底现实中的陪月又有否需要去帮助解决家庭问题呢？

“现实啲讲句，化解家庭纠纷，都系想个工作环境好啲啫！”
担任过十几年陪月、现为中介公司老板的陪月达人Sarah表示：“现实中嘅陪月虽然未必每个都及得上剧入面咁犀利，但唔多唔少都会关心吓太太嘅状态，因为太太好，工作先做得顺畅。”

而Sarah亦提到现实生活中的陪月主要分成两大派系（并非地狱陪月和天堂陪月。误）一种是道理型，一种是人情型：“阿B同太太以外嘅事，帮就系人情，唔帮就系道理。”

唔帮系道理？

Sarah：“其实大部份嘅陪月合约都写到明陪月嘅工作范畴系唔包括日常家务，以及先生同埋家人嘅膳食。咁有啲好叻嘅陪月好有原则，真系会跟足合约做，唔做多，亦都绝对唔会做少，只要系阿B同太太嘅事无论系洗奶樽呀！煲汤呀！帮阿B同太太冲凉呀等等，所有技巧都系好好，不过佢哋就系唔会做多。日常嘅家务佢哋唔会掂，就连如果先生想食饭嘅话，都只会喺太太嘅餐单上面加大份量，绝对唔会为先生煮额外嘅食物。”

如果是这样的话，又未免太不近人情了吧？Sarah并不同意：“无办法！其实佢哋都系保障自己啫，万一喺做合约以外嘅嘢出咗事咁点算？到时就怪边个都唔系喇！同埋陪月嘅声誉好重要。”

不过Sarah自己其实是属于人情派：“我成日都觉得，太太同阿Ｂ嘅功夫基本上都做得晒，咁唔通真系坐喺度咩？就算真系唔想帮太太做日常家务都好啦，我自己都会同太太倾吓偈，未必一定系要太太唔开心先同佢倾偈嘅，听吓太太分享自己嘅心情又好，倾吓闲偈都好啦！建立关系好重要，如果同太太关系好，信任程度高，咁工作自然就会开心又顺畅。”

男人都可以做陪月？

最近有网民就好奇，为什么在每集《BB来了》片尾的育婴资讯会跑出一个男性的资深陪月顾问？难道男性也可以做陪月？Sarah笑言以她所知没有男性陪月：“调返转头谂吓就知，陪月要帮太太冲凉，身体接触在所难免，你系男人会唔会大方到可以畀另一个男士去做呢个工作呢？不过我知道内地有男士嘅催乳师，（什么？）佢唔系用按摩嘅，佢系用针灸，所以话中国嘅医术真系博大精深！”