杜汶泽新女郎庄端儿争宠　贝依霖未惊过：佢新入职都冇一个月

新一代性感女神贝依霖自从今年获杜汶泽斥资力捧，喺阿泽嘅自家网台“杜汶泽喱骚Chapman To’s late show”中的节目不时都会见到佢嘅身影，但近日阿泽就再请出名性感的庄端儿做私人女秘书，更加临时拉夫叫庄端儿兼任新闻女主播，获网民like爆！眼见风头被抢，贝依霖都开始出招争宠。

阿泽一向都对好睇重贝依霖，当然贝依霖都好识做，不时晒出心口仔，实行件衫嘅领位有几低开几低。网友睇到喷晒鼻血。成功制造好多话题。

对于被指同庄端儿争宠，贝依霖就透过短讯回应：“佢新入职都冇一个月，而且我哋负责嘅节目根本唔一样，都唔知点争。”贝依霖透露虽然只系同庄端儿见过一次面，但对对方印象都唔错，仲话：“大家沟通都几顺利，收工仲一齐搭地铁返屋企。”贝依霖仲强调自己唔需要靠走光嚟博上位：“我唔使走光佢都注意到我。”并指阿泽无偏心：“阿泽对我好好。”

阿泽啲女有几索？睇图喇！