江若琳被指系第三者抢走萧润邦　未婚夫发文护航证清白

江若琳 (Elanne) 与同前组合Bliss成员，“生煎包王子”萧润邦 (Oscar) 两人相识了11年，于去年4月宣布拍拖，同年底Oscar更向Elanne求婚成功，两人将于今年12月23日结婚。Oscar同Elanne拍拖以来一直爱得非常甜蜜，是公认的一对，不过今日却有报道指Oscar的空姐前女友Charmaine原来仍未放得低Oscar，甚至指Elanne当时是以第三者身份抢走Oscar。

据知，Oscar与呢位Charmaine拍拖4年，原本打算去年结婚，Oscar更已买好了婚戒，但前年年底两人去旅行期间吵闹而陷入冷战，最后因当时与前男友分了手的Elanne乘虚而入抢走Oscar。而Charmaine至今仍未铲走社交网上与Oscar相恋时所拍下的相片，又留言似在暗指Elanne就是第三者。

而Oscar今日就于IG发文为Elanne护航，Man爆咁表示：“我计计数，如果同前女分手大半年再拍拖，而现在女友咁都算系小三的话，一个普通人都可能拍过好几次拖，咁咪要计埋我前前女友、前前前女友...我现女友已经唔系小三咁少了。如果该杂志或所谓知情人士目的系令到我们唔开心的话，sorry，对于我们来说，实在太无聊。所以唔想再作任何回应，大家都已经有新嘅生活，只系希望各位传媒朋友高擡贵手，唔好打扰到过去嘅朋友。至于我嘅现在、将来，我一定会好好保护江若琳，多谢大家关心！”