【邝洁楹Judy‧专访】少剧拍原来受身高影响 工作狂3个月无放假
邝洁楹Judy给人的感觉一直是可爱型，虽然细细粒粒，但仍然被网民封为“仙气女神”，可见她受喜爱的程度相当之高。自2016年加入TVB后，Judy的事业生涯走得相当顺利，一个在美国读完西雅图大学商业经济学学士学位的女孩子，摇身一变成为新闻女主播，很快又被制作人留意，邀请拍摄旅游节目《3日2夜》，以比坚尼出镜的她立即一夜成名。
《3日2夜》后，连带同戏剧组也向Judy招手，在《爱·回家之开心速递》中饰演Venus，又是得到观众极大回响。现在的Judy，化身为综艺主持常客，加入《学是学非》，还有在其他剧集中露面演出，TVB可谓钖她钖到㶶。不过Judy并不觉得自己是被特别宠幸的一个，她说：“其实我自己唔觉被力捧，至于多机会，我都好珍惜同感恩。一路以来我都同唔少监制、编剧同埋PA倾偈，佢哋都会话我几好彩，由娱乐新闻台主播去到做《3日2日》，之后又有唔同嘅节目组揾我拍嘢，我自己系好开心。但有时有一刻都会有少少累，因为我喺娱乐新闻台系做full time，一个月需要20日去履行，咁如果我有时多剧或者节目，就可能3个月都无1日假。但系我自己觉得好值得，机会唔系成日有，就算无假，开心都系大过辛苦。”
虽然口说不辛苦，但却因为一件事令到Judy眼湿湿（睇片就知）。“有一次我爸爸真系出到声讲，话我连陪佢睇一套戏嘅时间都无，真系有少少心噏噏。做嘢辛苦我唔介意，但如果连陪屋企人睇场戏嘅时间都无，𠮶一吓系会有少少唔开心。入行前每个星期日都系family day，以前爸爸睇跑马，我都会喺佢身边陪佢，而家真系好耐无做呢啲事，所以佢上次无喇喇讲起，我真系成个喊晒。我真系觉得对佢哋唔住，不过而家有啲节目出街，佢哋都好恩惠，有少少嘅成绩做到俾佢哋睇，我都几开心。”作为一个艺人，尤其是TVB艺人，休息时间少，工作时间长，挨坏身体的例子常常听到，家人没时间陪是常识，好在能够得到家人们的体谅，也算是苦中一点甜。
加入TVB两年有多，虽然出镜率未算好高，但一个月下来总会在电视见到Judy几次。除了TVB艺人之外，她还是一位模特儿公司的艺人，其实Judy会否想过全身投入TVB博取更多的出镜机会呢？她说：“未谂到咁远系真嘅，但如果有呢个机会都考虑吓，始终TVB一路以嚟都俾好多机会我，但系都要睇之后嘅发展。”以她的人气，这两年多只轻微客串过两套剧集，除了《爱·回家之开心速递》外，还有《危城First Lady》中饰演陈炜的年轻版，不过拍得少并不是Judy不想拍，而是有原因：“其实拍剧我系有啲输蚀，因为始终身型比较细粒，同埋你知TVB嘅男艺人比较高大，甚至女艺人普遍嚟讲都唔系太矮，但我自己真系比较细粒。好多男艺人都成米八高，无理由要人哋长期就我个高度，好辛苦㗎嘛。所以我觉得可能外型上唔系好夹到，当然有机会我会去试，我系一个几随如而安嘅人，我好少可会推job。”
想睇更多邝洁楹Judy靓相？即Click下面喇！
想睇更多艺人专访？即Click下面喇！