Mr.乐队成员布志纶作单飞发展：用返自己演绎方式好舒服
撰文： 吴子生
出版：更新：
一众实力唱作音乐人，布志纶@Mr.、邓小巧、Robynn & Kendy、陈奂仁 、苏打绿团长阿福、傅珮嘉等人今日（28）齐集尖沙咀出席《Gimme Live》音乐节。Mr.乐队前主音歌手布志纶，近来作个人发展，会唔会唔惯？“其实单飞有单飞嘅角色，乐队有乐队嘅角色，都实两样嘢都会进行，Mr.最近会发布新歌，咁所以我唔会话惯唔惯呀，嚟紧Mr.下年会有一个大型嘅十周年演唱会，都如火如荼，做紧一啲新歌，希望今年会有Mr.一首新歌发布嘅，我自己嘅嘢就做自己嘢啦，Mr.嘅嘢希望大家拭目以待。”
布志纶从前去到边，都会有四个兄弟在身边，单飞之后会唔会好挂住一班兄弟？“我分得好清楚，我做我自己音乐嘅时候，我会好享受，因为我会用番自己嘅演绎，系唔同风格嘅嘢我会好舒服，其实唔惯嘅时候已经过咗，我几享受依家有两个身分。”