坚守“胖就是犯罪” 舒淇：我煮的时候已经吃饱了
撰文： 黄欣华
出版：更新：
减肥系女人嘅终身事业，女艺人就更加唔洗讲！舒淇最近就同赵薇、苏有朋同王俊凯参与大陆真人秀《中餐厅2》，远赴法国亲自落场打理餐厅。日前播出嘅第二集，就有好多网民发现，舒淇喺节目中几乎唔食嘢，仲对住赵薇、苏有朋讲：“我很佩服你们，通常我自己煮的东西，我都不吃的，煮的时候已经吃饱了。”
净系负责煮就当食咗？系呀，舒淇一直严格控制自己嘅身材。节目中，佢哋忙咗一日，终于收工可以坐低食饭。赵薇、苏有朋同王俊凯都明显饿得好犀利，食唔停口，唯独舒淇只系饮红酒充饥。对美食意志力坚定嘅佢仲忍唔住出声提醒苏有朋：“今天朋哥吃了很多碳水化合物，你的蛋白质摄取量不太够！”
舒淇都曾经喺访问中讲过：“胖，就是犯罪。”，睇嚟女艺人真系唔易做。虽然系咁，但舒淇都会喺IG分享美食照，间中放肆下，先会有力气再减架嘛！
+3