【动漫节2018】港姐何依婷原来系宅女：宁愿打机都唔想出街

动漫电玩2018又嚟啦！现场除了有过百摊位外，更有不少cosplayers到场聚会以及Game Girls宣传自己代表的电玩品牌。今年何依婷以及一班TVB女艺员更化身为TVB动漫大使Godlike Girls参与开幕仪式。唔讲唔知，原来港姐何依婷本身也是一名宅女。

何依婷接受《香港01》访问时说：“我系第一年嚟，因为之前读书𠮶时，宁愿暑假喺屋企打机都唔想出街，所以就未去过动漫节。”谈到打机，何依婷笑说，自己最爱《小朋友齐打交》：“因为一打机就好想快啲打爆机，储晒啲装备。（玩边只多啲？）我细个（小学）第一只玩嘅游戏系《小朋友齐打交2》，我仲记得要Chok啲隐藏人物出嚟，跟住就开始玩Online Game，跟住就系CS（Counter Strike），跟住玩《Left 4 Dead》，跟住再转玩手游啦。”

何依婷又透露自己为了“打机”而废寝忘餐。“中三𠮶年因为要升高中所以就停玩咗3年，不过我细个𠮶时会由放学玩到瞓觉。虽然我屋企人管得好严佢哋会规定我10点半就瞓觉，但我系一放学返屋企就即刻开电脑玩，哈哈，一日都差唔多玩5、6个钟，好彩冇近视。”