【东张西望‧多图】林泳淘小背心骚身材成焦点：非特别钟意贴身衫

如果大家有睇开无线节目《东张西望》，相信一定有留意到主持林泳淘的身材相当出众，尤其是当她穿上贴身衫出外采访时，她那玲珑浮凸的32D身材更成为观众同网民的焦点。日前有一集讲关于黑心疫苗的新闻，穿上黑色贴身背心的泳淘轻易抢Fo，有指当泳淘出场时更令节目收视率突然急升。有网民于讨论区表示睇呢个节目都系为了睇泳淘。

参选2012年港姐入行的泳淘，除了主持《东张西望》，仲有主持《三日两夜》以及《超强选择1分钟》等节目，有时需要以性感的比坚尼出镜，真系睇到人窒息㗎。《香港01》记者电话访问了泳淘，问她知否自己刺激了《东张西望》的收视率上升，她说：“我觉得一定唔会啰，啲人讲下啫，应该唔关事嘅。(监制有无要求你要着贴身衫上阵？) 无，监制好似妈妈咁样，唔会咁要求。”

对于网民激赞她身材好，泳淘说：“多谢大家咁都发现到，其实纯粹系出外景太热，先会着啲凉爽啲嘅衫，自己无话特别钟意贴身衫，可能个节目有3日入面其中1日我咁样着，但大家净系留意𠮶1日。我无谂过会有咁大回响。(点keep到咁好身材？) 多谢我妈生得好，平日无做节食同做运动去keep，我食好多嘢，系当我要露之前先会临急抱佛戒嚟keep，会宵夜同食得清淡啲。我试过喺澳大利亚拍《3日2夜》时，因为食得太多嘢而畀同事㩒住我叫我唔好再食喇，话会有肚腩㗎！”她又自言自己一啲都唔瘦：“我遮住咋，我肥pat pat同肥脚㗎，要露呢啲位我都会好尴尬。”

一齐睇多啲泳淘嘅靓相啦！