【PLAN B】余慕莲讲明唔挨更抵夜　首次献出“初吻”好尴尬

ViuTV剧集《PLAN B》除有王宗尧、陈启泰同陆骏光之外，原来仲有余慕莲。年届81的余毛姐自从离开大台后，除不时登台外，亦有指ViuTV拍剧，日前她为《PLAN B》与陆骏光、陈炳铨时，发现原来其中几幕都需要人工呼吸，余毛姐虽然从影多年，但原来就从未试过“咀戏”所以佢都话有少少尴尬：“我都未拍过呢啲戏，都唔知点答你！个剧组系陆骏光熟啲，之前佢拍剧做过我儿子。”余毛姐又表示自己年纪大，不能接受长时间开工：“我依家几十岁人，我话即使无线叫我返都唔签，我怕挨更抵夜，呢度我都讲明最夜系十二点，所有危险动作都安排替身啰！”

至于同场的陈炳铨，呢日亦带来爱犬“豆豉”客串，他更笑指佢都系时候赚番狗粮：“导演话要揾只狗做流浪犬，一睇就知佢唔系名种狗啦，似返只流浪犬，所以今次就带佢出黎客串玩下！”问到爱犬比较黏他还是女友李佳芯，陈炳铨就好自信咁表示因为同豆豉相处时间较多，所以比较黏他。