【BB来了】金牌恶奶奶卢宛茵自言演戏靠天份：出道已经有人赞我叻

《BB来了》上映以来反应热烈，剧情贴地又笑中带泪，实在是引来不少新生爸妈的共鸣。《BB来了》第四集更录得跨平台收视30.2点，今日一班演员在TVB电城举行小型祝捷记者会。提到《BB来了》的演员阵容，不少人都记得剧中的恶奶奶“西太后”卢宛茵，她饰演恶奶奶简直是入木三分。到底卢宛茵饰演恶奶奶有甚么秘诀呢？

卢宛茵（人称Madam Lo）接受《香港01》访问时说：“冇咩秘诀㗎，我觉得演戏系天份。哈哈，唔系话懒叻，不过系真嘅，有时领略到，就少少位都做到，但系如果你get唔到，就点样夸张做都做唔到，仲有反效果。”Madam Lo更自言由出道以来就已经“有天份”：“我好记得197几年，我就啱啱读完训练班出嚟，我𠮶时仲系新人乜都唔识，但系黄曼梨（Mary姐）就指住我问我系边个，其他人话：‘训练班，实习嘅。’Mary姐就话：‘哗，咁好嘢嘅，好似做咗好耐好有经验㖞。’我就记到宜家喇，哈哈。”

当然，Madam Lo除了得天独厚外，原来她养成的习惯也对演技十分有帮助。“我平时好钟意自己一个人睇下人哋啲动静，譬如自己系街行下，或者坐喺Coffee Shop观察下，譬如呢对情侣会点，然之后就估下佢哋之后会点。”所以说，卢宛茵的好演技就是这样炼成的。