陈嘉桓地狱式训练减肥成功：我事业心都好重

陈嘉桓今日现身旺角太子出席雪糕品牌活动。早前因拍网剧《反黑》 暴肥，水肿难分，经过一连串地狱式训练，收身成功。“最近有拍《大玩特玩》节目，佢地成班人都话我瘦咗，到今日我就敢同佢讲我会著泳衣，因为我之前都系著一件头泳衣，佢哋就话我：“你今年终于show番条腰㖞。”泳衣方面又唔可以太性感，虽则本身自己事业心都几重嘅，但因为要做节目，我想拍出嚟效果健康性感平民化啲，等我去旅行嘅时候，先攞个事业心出嚟啦。”

早前有传因拍网剧《守护神》暗挞黄宗泽，还在深夜探访黄宗泽火炭晋名峰寓所。“平时都有揸车代步，𠮶日Bosco问我一唔一齐睇波，就叫我去佢间餐厅集合，仲有啲圈中朋友，然后就跟住佢车尾返晋名峰，当晚两点开波睇完之后就走咗啦。”嘉桓被问到同Bosco有冇发展空间？嘉桓话：“我同Bosco本身都认识咗好耐，佢条件都好好，唔明点解佢仲未有女朋友，不过我暂时同佢发展空间就有啲难道，依家都系专注系工作方面，其实佢哋都当我系男仔咁睇，啲朋友成日笑我男仔头，好难介绍男仔畀我识，所以我都同佢哋讲，依加择偶条件要识煮野食嘅。”