邓丽欣默认同王子拍拖　叫大家手下留情畀佢哋发展

邓丽欣（Stephy）周日(15日)出席蝴蝶保育活动，早前传出34岁Stephy同29岁台湾艺人王子（邱胜翊）拍拖，Stephy说到一直都希望感情事低调，“我觉得有时候我哋呢一行好难嘅就系我哋生活都会好透明，都好明白大家好关心我呢一两年嘅感情状况，亦都好多谢大家关心，希望各界手下留情，畀多啲空间我哋发展。”言下之意Stephy默认咗与王子之间嘅恋情，但关系发展到乜地步呢？更有说已经见咗家长，Stephy笑说自己好乖，“我读书时候唔洗见家长，系啰。”

而今次Stephy系第一次担任蝴蝶大使，Stephy觉得保育呢件事情好重要，“可以教育小朋友，令到佢哋知道大自然嘅重要，所以我觉得呢一件事好紧要。”其实艺人做慈善活动系唔系一种义务呢？Stepy话：“其实做义工又好，做所有大使都好，我自己都可以话一个义务或者目标，尽自己能力希望带到更多讯息畀大家，我觉得呢一个都系做艺人其中一个最有意义嘅工作。”

人又靓心地又好，工作方面更加唔洗讲，自从Stephy转型之后演艺事业算有好发展，夺奖无数，早前更凭电影《空手道》喺第十七届亚洲纽约电影节夺得新人奖，Stephy坦言好开心，“呢一个奖都系第一个香港演员拎到，所以真系非常开心同荣幸，所以更加令我觉得有一种责任，将来自己嘅日子希望电影方面畀到一个惊喜大家。”电影圈亦成为“抢手货”，嚟近电影方面一部接一部，Stephy笑说希望会系啦，“希望有选择啦，希望会选择到一啲好剧本，不过要有得拣先可以。”

事业受到大家关注之外，同样感情都系，因为早前传出Stephy同台湾艺人王子（邱胜翊）拍拖，今日当然唔会放过Stephy问呢个问题啦，Stephy说到一直都希望感情事低调，“我觉得有时候我哋呢一行好难嘅就系我哋生活都会好透明，都好明白大家好关心我呢一两年嘅感情状况，亦都好多谢大家关心，希望各界手下留情，畀多啲空间我哋发展。”言下之意Stephy默认咗与王子之间嘅恋情，但关系发展到乜地步呢？更有说已经见咗家长，Stephy笑说自己好乖，“我读书时候唔洗见家长，系啰。”