【BB来了】李佳芯有个人育儿理念：不愿随波逐流

TVB剧集《BB来了》大受欢迎，女主角李佳芯（Ali）演技大爆发，获网民大赞系视后级水准。她今天（14日）与剧中其他演员出席宣传活动，大斗谁是凑仔专家。

Ali在剧中饰演神经质新手妈妈恬恬，每有身边人做唔到要求，或做了有机会令BB受到伤害的事，她就会情绪崩溃，Ali在现实中虽然未做妈妈，但她说自己跟剧中的角色相反:“现实中嘅我系唔识嗌交，所以拍每一场嗌交戏都有啲吃力，如果我真系有小朋友，我系由得佢天生天养，我会关心佢，会唔会肚饿、冻亲、热亲，会唔会学坏，但其他事我会放手，因为每一个生命都有属于佢嘅经历，我会教佢做一个好人，但唔会管束佢。”

但剧情反映香港现时的育儿大趋势，香港父母都因而受到影响，身不由己地随波逐流，Ali打算行放任政策，也许不容易，她说:“我觉得最紧要知道自己嘅谂法， 相信自己嘅信念就唔会咁容易被动摇。”

现实中Ali虽然有自己一套育儿理念，但始终剧情都比较写实，在拍摄期间，有无一度被自己所演嘅角色吓怕呢？“我拍呢套剧嘅时候，一度因为入戏而有好多幻想同憧憬，我第时如果有咗小朋友会点会点，但随著拍摄完毕，自己都返嚟现实，现实系都仲会有好多工作，在事业方面依然想冲刺，好快就打消咗呢个念头。”