Cheronna拍住KB玩爆泰国　变身做人妖娘娘做骚

Super Girls成员吴嘉熙（Cheronna）早前首次与李健宏（KB）合作，拍摄KB制作的旅游节目《玩X爆泰国》。节目中，KB继续发挥丧玩本色，走访多个泰国地方“搞搞震”。其中KB与Cheronna于当地欣赏人妖骚后，兴之所至，二人索性踩入“人妖学校”学做人妖，见二人先与当地人妖近距离接触，最后更要“变装”做人妖骚。Cheronna表示︰“我哋睇完表演后，就要去学校，著佢哋啲衫跟住模仿番个骚表演唱跳。我以前见过人妖表演，但今次系去佢哋间学校睇佢哋台上表演，特别去学如何妸娜多姿，系好开心。”

Cheronna大赞人妖举手投足都靓到爆，笑言麻甩的她自愧不如︰“近距离见佢哋，觉得仲靓过女人，我作为女人觉得自己好麻甩，反而佢哋食嘢斯文，一啲小动作都靓过好多女人。”提到与KB一起“人妖初体验”，Cheronna表示︰“我同KB都化咗妆，系人妖帮我哋化，其实都好辛苦，因为我哋学埋古装，戴好重假发，真系唔简单。”变装后，Cheronna即时与男友黄奕晨开心share，不过男友似乎钟情KB的造型，她又称KB有做人妖潜质︰“KB化到好好笑，其实佢好有潜质做人妖，因为佢好有表演欲，只系佢个样唔够女人，始终有点男人味道 ，所以可能要去整容。”