陈冠希囡囡刚病愈即瞓地饮奶　粉丝召唤秦舒培管下Edison

陈冠希(Edison)本来是“不羁”的代名词，但自从佢做咗老窦之后，从此告别不羁，个人竟然变得非常“住家”，经常在社交网站晒女女Alaia同女朋友秦舒培嘅相，简直系变咗“晒女狂魔”。

日前Edison在IG Po出 1岁囡囡Alaia嘅饮奶相，相中嘅Alaia瞓在地上，双脚朝天，单手拎住奶樽，非常惬意咁叹奶。Edison留言语带双关：“G.O.O.D.”可理解为赞阿囡自己饮幻好叻，同埋模仿饮奶时“Goo、Goo”声。粉丝留言大赞Alaia可爱，仲话佢个样似爸爸，长腿就似妈妈。

不过其实Alaia前几日仲发紧烧，刚好返就瞓喺地板饮奶，好易摄亲又会病返，粉丝都纷纷召唤妈妈秦舒培，叫佢管下Edison，唔好随便畀小朋友瞓地下。不过畀爸爸凑细路，就预咗佢哋不拘细节。