【深宫计】网民赞奸得透有望封后 胡定欣：同陈炜戏内斗到戏外？
撰文： 赖家杰
出版：更新：
《宫心计2深宫计》昨日（8日）播出大结局，胡定欣作为女主角晚上当然有出席迎接大结局呢一集嘅活动，定欣对终于播出结局呢一集十分唔舍得：“每一日播出，大家都会有讨论，好入戏，有讲大家之间嘅角色，好多反应，但完结后就大家就会冇咗呢种感觉，但真系好感谢所有观众嘅支持，内地点击率又好，香港收视又好理想，实在太开心。”
《宫心计2深宫计》年中就播放完毕，离年尾台庆颁奖典礼日子都仲有一段距离，但定欣今次一角令到网民觉得佢足以再度夺得视后，但另一个对手陈炜亦备受大家留意，佢同定欣剧中嘅大斗法会唔会变到年尾颁奖典礼再斗呢？又唔知定欣自己点睇呢？定欣觉得：“睇完我哋嘅戏支持角色系开心事，宜家即系我同炜哥戏内斗法摆到电视台？咁好开心㖞。我今年只得呢一部剧播出，今次饰演呢一个角色好特别，拍嘅过程大家都好辛苦，我都好支持炜哥，我都希望观众会支炜哥到最后。”但呢一套剧实在太早播出，又唔系放喺台庆剧时间，会唔令到大家到时候冇咗热讨热潮？定欣表示唔会想太多：“收视好，口碑好，无论咩讨论，观众有讨论我哋就好开心。”
而定欣同马浚伟忙完《宫心计2深宫计》宣传，又同时忙于舞台剧演出，二人日对夜对会唔会因此日久生情，有发展机会呢？定欣笑说：“我哋忙紧发展好多嘅事，我哋会去到多伦多，美国等。”定欣对于有冇发展可能已经唔识回答，所以交畀马仔，不过马仔指要睇结局亦选择不回答了。