【天命】李施嬅拍剧压力爆煲搅到鬼剃头：头顶甩到两个窿咁大

《天命》播放以来，除了看谭俊彦大战陈展鹏外，亦有不少人觉得女主角李施嬅古装造型好靓，但靓的代价是辛苦，李施嬅日日带接近１０磅的头饰演戏，加上角色情绪起伏大，令她在拍摄期间出现鬼剃头，今日李施嬅出席《天命》宣传，亦承认当时受到困扰，她说：“当时好惊！”

李施嬅表示《天命》拍摄初期，戏份较密，试过连续十日开工，她说：“当时好大压力，我有饰演贵妃，辈份越大，个头就越重，啱啱压实我头壳顶，我连续拍咗十日，每日１６个小时压住，可能令到头皮唔舒服，跟住又有少少紧张，对白又多，角色情绪又低落，令到个头甩哂头发，但而家无嘢喇，好返哂，甩到有成两个窿咁大啰，甩到个头皮系滑架，好似人哋剃光头咁，成个面都“令”，其实都惊。”

早前有报导指李思嬅因为在无线无奖攞，令她感到心灰意冷，但她表示自己一直好感激无线对她的栽培，她说：“我喺《胡说八道真情假期》中，说过一点感受，当时好感动，一下子讲咗好多野，有时候演员攞咗几多过奖项好，10个影帝也好，在某一啲时间都会有可能冇信心，会有少少怀疑自己，我都会有呢啲时后，帮我攞到你个长行嘅时候，原来发觉自己系可以得，有呢个奖鼓励系好开心，但完全冇对TVB心灰意冷嘅感觉，我呢两个奖项都系TVB畀我嘅，今时今日我嘅演技都系佢哋栽培，其实我系出边攞奖TVB都好大功劳，所以我好感恩佢哋比左咁多野我，我现在同TVB倾紧合约，但现在都系好初步，未有实质细节嘅嘢，但冇讲过唔续约啰，我觉得TVB永远系我屋企，我今日所有野都系佢哋畀我嘅，我唔会咁忘恩负义啰。”

 此外被问到想唔想攞“视后”？施嬅坦言“视后呢过奖每个人都想攞，但同事要睇天时地理人和要夹岩时间先可以得到，如果我要夹硬迫TVB畀过奖畀我，如果签约就畀个奖我咁，咁啲观众唔服我咪仲衰，我唔想咁样，想大家认同我嘅演技，就算一个奖都冇，我都无所谓。”