唐诗咏为好姊妹下厨好温馨　田蕊妮趁机招亲：好啱做老婆

三位TVB当家花旦，唐诗咏（Natalie）、田蕊妮（阿田）同黄翠如因拍戏而成为好姊妹，日前趁Natalie拍完新剧，三人终于有时间一聚，去阿田屋企大玩煮饭仔，Natalie在IG留言说：“我好少下厨，不过呢两个我又咁爱，佢哋又咁想试我啲厨艺，咁我就唯有下厨益下佢哋啦。”

阿田包办两𩠌一汤，Natalie煮咗一味“唐氏卤水鸡翼”，翠如就负责食，阿田同翠如都大赞Natalie厨艺一流，仲乘机帮佢招亲：“唐诗咏煮嘅李X记卤水鸡翼真系好好食，佢真系好啱做老婆！有边个想娶佢可以PM我！”睇嚟阿田都好紧张落单嘅Natalie，想佢早日揾到真命天子。Natalie被网民评为“绝世好女友”，但多年来情路坎坷，大家都好想佢揾返个好男人。