【C9特工】高海宁会体谅另一半呃自己 马国明：要了解咗先

无线新剧《C9特工》进行拜神仪式，该剧的女主角高海宁 (高ling) 同马国明 (马明) 当然有出席。呢套是高ling首套拍摄的动作剧，她说：“开工无几日就要打喇，仲要一嚟就受伤，不过我觉得今次受伤令我因祸得福，学识咗点保护自己，早啲发生系好事嚟。啱啱开始拍嘅时候无话惊受伤，但系依家会量力而为，公司有畀替身我，如果出嚟个效果会更加好，我都会用替身。”高ling又被同剧的黎诺懿改了“豆腐ling”呢个花名，她说：“因为我成日撞到瘀晒，佢话我一撞就散。”

相比起在剧中经常要打的高ling，饰演高ling老公的马明就舒服得多，马明表示：“我卖菜嘅，无难度，同埋卖菜只系包装，唔系咁多街市场口戏。套剧系讲我唔知个老婆原来系特工，咁正常梗系接受唔到啦，估唔到老婆会呃自己，于是引发起一连串嘅事，讲亲情，都有唔少感动位。”

问到两人如果在现实生活中发现另一半原来一直呃住自己，会怎样？对此，马明说：“要了解咗件事先，冷静落嚟去谂下点解佢要讲大话，睇下自己接唔接受到。咁如果佢一心想揾我笨就梗系唔得啦。”高ling亦好认同马明所说，她表示：“两个人喺埋一齐彼此一定有信任度，会睇系咩原因佢要呃我，睇下佢系咪有苦衷，都系睇自己接唔接受到，不过如果对方系爱自己嘅话，都唔会刻意讲大话嚟伤害自己嘅。”