【世界杯】黄心美挨夜睇波狂食零食　“奇招”应付增磅危机

黄心美出席宣传活动时感叹世界杯充满型男：“自己本身唔系睇开波嘅人，但因为公司有份直播世界杯，通常第二日唔洗做野都会睇，几乎晚晚都会睇，真系认识左好多靓仔球星，佢哋全部都好靓仔，例如法国队嘅安巴里，英国嘅哈利简尼。”

心美更透露自己看世界杯期间晚晚都疯狂食零食，更有“奇招”面对体重改变：“我为咗唔俾呢啲数字影响工作嘅心情，所以我从来都唔磅重，咁我就唔知自己有冇肥到啦。不过我自己都有跑开步keep fit，有人话工作之后太攰会唔想跑，我反而觉得攰更加要跑，将啲能量释放出嚟，个人反而仲会精神咗！”

活动期间心美亦表示她们四姐妹虽然样貌相似，但在性格工作却各有各特色：“心颖好明显系属于好可爱，成个大笑姑婆咁；我自己就感觉上比较历练啲；三妹就少啲出镜，专心做空姐，旅游嘅嘢就好啱佢；二妹依家开始做KOL，都有出镜但系同我同心颖性质完全唔同，因为佢系三个小朋友嘅妈妈，佢主要系sell妈妈或者小朋友嘅产品。”