【BB来了】高海宁对BB爱不释手　期待将来有属于自己嘅小朋友

TVB剧集《BB来了》一众演员开始为剧集宣传，剧中内容都讲到新手爸妈嘅困难之处。今日活动中更找来一众BB畀演员们照顾，其间高海宁抱BB时候BB更大哭起来，令到佢都手足无措，而司仪更在旁边开玩笑想畀高Ling抱住。

高海宁今次剧中角色都唔需要做新手父母，主要都系黎诺懿同李佳芯。今次诺懿同Ali剧中都有一名B女，高Ling好羡慕佢哋：“剧中做佢哋个B女好得意，每次撞到佢我都好开心，捉住佢唔肯放手，佢哋觉得同bb拍剧好辛苦，我就唔系，因为我本身好钟意小朋友，所以我都好期待能够有一日可以同好乖巧嘅小朋友做戏就好了。”

好多人觉得玩别人家中嘅小朋友就最开心，而真系有属于自己嘅小朋友照顾起上嚟就可能系一种恶梦，高Ling就暂时未觉得系咁样，“暂时都好期待将来会生小朋友。”不过对于结婚生小朋友等高Ling暂未有呢个计划，但佢自己觉得将来系会生两个小朋友。