【深宫计．专访】黄心颖见惯娱圈明争暗斗：有咩事我都会出声

黄心颖（Jacqueline）在《宫心计2深宫计》昨日（26日）一集中守得云开见月明，她朝思暮想的任三恕（马国明饰）终于她表明心迹，令不少观众睇得好感动，而一直以来外界都觉得她很早已视男友马国明为偶像，两人能够现在能够走在一起，与剧情巧合地雷同。不过，心颖BB就指自己其实从来不觉得对方是偶像，她在接受《香港01》专访时答谓：“当然系欣赏佢嘅，但唔系追星咁钟意，只系入咗行之后，发现佢性格都好，了解后更加Respect呢个人。”

那么自己会否觉得《深宫计》剧情同自己经历好似？心颖BB笑谓：“少少相同啦，冇剧入面咁夸张，甘若芊系好倾慕呢个将军，觉得佢系男神咁，但我现实生活里面冇咩人令我咁仰慕，唔会令我好似花痴咁。”即是对住马国明都不会变花痴？心颖继续笑谓：“冇㖞！圈中靓仔好多，当身边同事个个都系咁靓仔靓女时，你就冇乜感觉架喇开始。（马明靓唔靓仔？）靓仔好易揾，靓仔得嚟有内涵有修养有其他嘅嘢系更加难。”

我们眼中的马国明，好可能只是得“天然呆”或者“好闷”的一面，马国明的内在美，应该只有心颖BB最清楚。心颖BB大赞男友：“我觉得佢比一般人，唔知呢，对我嚟讲系佢系最真诚嘅人。喺咁快嘅事业或者生活当中，佢系一样好慢嘅嘢、好静嘅嘢。（好有避风港嘅感觉？）可以咁讲，对住佢所有嘢都可以慢落嚟。”

当然最和善的人都会有固执的一面，但心颖BB就指自己最终都会说服到对方：“其实佢都有好主见，可能佢年纪大啲，佢会耐心听我完先至反驳我，唔系一嚟就同我斗咀。（会硬碰硬？）虽然少但系有。（最硬系点？）佢都唔系好硬，硬𠮶时都系咁上下！”自认又急又好胜的她又指起初都会因为马国明性格“太淋”而无名火起：“我觉得佢已经改咗，所以我又少见咗佢呢一面。”

《深宫计》中后宫上至妃嫔、下至宫女都活在明争暗斗中，但心颖BB就指自己在娱乐圈中百毒不侵：“因为有咩事我都会出声，我好记得我拍《学是学非》时，大家唔知喺度做乜等好耐，我就话点呀我哋依家等紧咩，我觉得唔系唔礼貌，系为咗个工作效率嘅而问，不过呢啲唔系人人都啱适合，做咗可能会孭镬。”

入行6年最睇不过眼又是甚么？心颖就指是工作时数：“但一直以来都系咁运作，可能𠮶刻大家好辛苦，但系最后尾都系冇乜事，唔可以话睇唔睇得过眼，但系希望有改善。（马国明嘅27.5小时系纪录。）佢好挨得，佢系从来唔冧嘅人嚟。（你都得？）其实我都好挨得。”