《逆流大叔》吴镇宇望每年与一位新导演合作　拒绝接拍血腥电影

吴镇宇今日下午出席香港龙舟嘉年华活动，宣传由佢主演嘅电影《逆流大叔》，因为呢一套电影系一部励志电影，戏中都讲到佢有好重嘅扒龙舟戏份，而拍摄呢一部电影镇宇佢好多时候都带病拍摄，镇宇都表示：“本身冇病到，系扒到病，因为我哋唔敢改佢剧本摆位，本身我系惯用左手，但佢一句台词就要用右手，咁我都冇所谓，迁就一下佢哋啰，我自己又衰嘅，要一个唔熟悉嘅感觉去拍摄先，所以冇练习去拍，仲要拍嘅时候又热又落雨，返去时候就病咗。”

虽然镇宇病住拍摄呢一部戏，但佢喺拍摄戏途中都遇到一啲开心事，咁系啲咩呢？镇宇分享：“因为获得龙丹总会同国际龙丹比赛赞助我哋，就算我哋请人都请唔番呢种感觉，咁有外国人，鬼妹及及鬼佬，你知道㗎啦，女子组啲衫同裤就玲珑浮凸，你知啦突然有啲女生，我哋就忍唔住叫姐姐，佢哋见到我哋拍戏又问拍咩呀！我哋又问姐姐妳哋个条又系咩龙呀？”几句来来往往，镇宇觉得呢件事之后令佢想起好MK嘅感觉。

今次呢一部电影都入围纽约亚洲电影节，镇宇都对于呢件事感到非常开心，“一部励志电影能够入围系值得，因为龙舟喺某个时间我哋都推动得好积极。”至于镇宇透露当初接呢一部电影时候，自己都同自己讲系唔系应该每一年都要同新导演合作一次。因为与新导演合作会有好多新想法更加唔会与时代脱节。“自己本身又唔想拍血腥电影，新导演就觉得呢样嘢可以容易入影展，我自己就表示唔好啦，想揾啲励志少少，咁啱就有呢一部电影《逆流大叔》，所以就拣咗呢一部电影，亦都系第一次配合新导演。”