王卓淇两度成动漫节女神 原来现实都系重度宅女
撰文： 翁汉珑
出版：更新：
王卓淇（Erin)上年化身“动漫女神”为动漫节宣传，今年再变身“电玩女神”GodLike girls宣传动漫电玩节，背后到底有咩原因？原来Erin喺现实生活当中都系一位重度宅女，佢自己都话：“我都觉得自己实在太宅，有时系屋企打机煲剧追下星，睇下漫画咁又一日，我真系可以几日都唔出街！”问到佢平时打开咩机，佢就透露：“呢排我最钟意玩嘅游戏就系PS4平台嘅《龙如》，仲有手机平台嘅《皇者荣耀》。”唔讲唔知Erin原来都啱打机，而且佢玩开嘅游戏都几“男仔”下，不愧系宅男女神！除咗打机，原来Erin私底下都系一个Wannable (韩国人气国民男团Wanna One 粉丝嘅称号），仲话：“真系好钟意佢哋，嚟紧佢哋喺香港嘅两场演唱会我都有买飞，好期待到时可以见到佢哋！”